Nou poko konnen tout enpak devastatè eleksyon yè a, men mwen reveye maten an avèk konesans ke, anvan tout bagay, nou dwe pran swen youn lòt.

Sa a se pa bagay ki òdinè. Diskou rasis, mizogjini ak islamofobi ke nou te andire pandan kanpay la pa ka tounen politik, epi li pa ka vin tounen sa nou ye. Tout efò kolektif nou yo pral pi enpòtan pase tout tan.

  • Li pral pi enpòtan pase tout tan pou nou pran swen moun ki pi vilnerab nan kominote nou an, tankou moun ki gen koulè, jèn yo, moun transganr yo, minorite relijye yo, imigran yo, ak moun ki gen ti revni.
  • Li pral pi enpòtan pase tout tan pou nou defann Konstitisyon nou an ak pwomès fondamantal li yo sou egalite.
  • Li pral pi enpòtan pase tout tan pou nou itilize tout zouti ki disponib pou nou – litij, defans dwa sivil, ak dyalòg sou nivo lokal ak nasyonal – pou pwoteje pwogrè 50 dènye ane yo, depi kòmansman mouvman dwa sivil modèn yo.
  • Li pral pi enpòtan pase tout tan pou nou kontakte chak Ameriken ki gen bon volonte pou nou reyini ansanm kòm yon sèl mouvman jistis.

GLAD p ap ale okenn kote. Nou la, epi n ap kontinye goumen ak tout fòs nou pou nou tout.

Kominote nou an te deja travèse moman ki te vrèman difisil anvan, epi chak fwa, kominote nou an te fè yon pa anlè – paske nou gen rezistans, nou brav, epi nou fò. N ap kontinye avanse, ansanm, pou n goumen pou jistis pou tout moun.