Sara ak Anna

Sara ak Anna te fè eksperyans efè lwa parante demode Rhode Island la dirèkteman lè yo te fè pitit yo a. Pitit gason yo Eli te fèt grasa repwodiksyon asisté. "Li te pran mwen menm ak patnè mwen dezan edmi pou nou vin ansent, mwen te siyen plis fòm konsantman pase sa m ka konte," Sara di. "Doktè m yo pa t ap fè okenn pwosedi san konsantman ekri ni patnè mwen an ni mwen menm."

Paske yo pa t marye, Sara, antanke paran ki pa te paran byolojik la, pa t gen okenn koneksyon legal prezime paran ak Eli lè l te fèt, epi pa t gen okenn mwayen pou etabli paran li. "Nou te kontan anpil lè nou te reyalize nou t ap finalman vin paran. Mwen te louvri yon kont epay pou inivèsite pou Eli pandan l te toujou nan matris la. Nan sans sa a, mwen te tankou nenpòt paran premye fwa ki twò tip A, men pita mwen te aprann ke fòm konsantman mwen te siyen yo te sèlman pwoteje dwa mwen genyen sou anbriyon mwen menm ak patnè mwen te kreye yo. Yo pa t pwoteje koneksyon mwen genyen ak pitit nou an. Lè pitit gason nou an te fèt, mwen te reyalize mwen pa t gen okenn lyen paran - pa menm youn."

Se lè sa a Sara ak Anna te reyalize kijan lalwa trete kèk koup yon fason diferan. “Mwen pa t paran byolojik li e mwen pa t gen okenn fason pou m te jwenn yon lyen legal ak Eli anvan nou te kite lopital la. Mwen menm ak patnè mwen te pran menm etap ak zanmi nou yo ki pa ka fè pitit pou fè pitit, men yo te refize nou posiblite pou nou mete non nou toulede sou sètifika nesans lan sèlman sou baz sèks nou.”

Sara te pran uit mwa pou l adopte pwòp pitit gason l lan – yon tan ki long anpil pou w nan yon enpas legal lè w ap pale de kapasite pou w pwoteje pitit ou legalman. Anplis, pandan tout mwa sa yo, Sara ak Anna te sibi etap long, anvayisan, e pafwa abitrè nan pwosesis adopsyon an, tankou mete yon anons nan jounal la pou avèti donatè espèm anonim nan sou adopsyon an, nan ka li ta vle konteste revokasyon "dwa paran" li yo.

Lwa Inifòm sou Parante nan Rhode Island (RIUPA), ki baze sou pi bon pratik modèl lejislasyon sou pante, ta mete ajou rekonesans fanmi nan lwa Rhode Island yo pou reflete reyalite aktyèl la epi pou asire chemen egal ak aksesib pou etabli pante. Sa gen ladan l asire ke paran menm sèks ki itilize repwodiksyon asisté gen aksè egal a pante atravè pwosesis Rekonesans Volontè Pante a, ki pèmèt paran yo garanti relasyon legal yo ak pitit yo imedyatman apre nesans epi san yo pa ale nan tribinal. Refòm nan RIUPA yo tou senpleman kreye aksè egal ak jis pou tout timoun pou garanti relasyon paran-pitit.

Sara santi anpil enjistis jan fanmi li te trete inegalman pandan tout eprèv la. “Mwen se paran pitit gason m nan. Mwen te la depi konsepsyon… Mwen te ale nan chak randevou prenatal. Mwen te prezan pou chak minit nan travay 29 èdtan li a ak akouchman an [ak tan depi] mwen te konn karese l, ba l manje, chanje l, fè l rote, epi renmen l.” Eli, ki gen twa zan kounye a, renmen liv, sandwich ak bè manba, ak anpile blòk, sitou paske li ka frape yo atè tankou ti bebe Godzilla. “Mwen pa t ka pi fyè de li,” Sara ajoute, “epi mwen espere yon jou li pral fyè de mwen menm jan an.”